मनोरंजन - कोरोनामुळे देशभरातील सिनेमागृह दोन वर्षे बंद होती. मात्र लोकांची नवनव्या कल्पनांवर आधारित सिनेमे, मालिका पाहण्याची हौस 'यु ट्युब' आणि 'ओटीटी'सारख्या डिजिटल माध्यमांनी भागवली. मनोरंजन क्षेत्राला या डिजिटल माध्यमांनी एक हक्काचे व्यासपीठही उपलब्ध करून दिले आहे.
(पहा 'माईंड गेम'चे मोशन पोस्टर)
यु-ट्यूबवर विविध विषयांवर सुरु असलेल्या 'वेब सिरीज'ना तर प्रेक्षकांनी अक्षरशः डोक्यावर घेतले. त्यामुळे याच माध्यमातून आता 'माईंड गेम' ही मराठीतील एक नवी कोरी 'वेब सिरीज' प्रेक्षकांच्या भेटीला येत आहे. मनोरंजन क्षेत्रात प्रसिद्ध असलेल्या 'एम के स्टुडिओ'ने निर्मिती केली आहे.
'नेम' असा धरायचा की शेवटपर्यंत कळलं नाही पाहिजे 'गेम' कोणाचा होणार.. या 'टॅगलाईन'सोबत 'माईंड गेम' या वेब सिरीजचे पहिले मोशन पोस्टर नुकतेच प्रदर्शित झाले आहे. या 'टॅगलाईन'मुळे प्रेक्षकांच्या मनात प्रचंड उत्सुकता निर्माण होत आहे.
मंगेश महादेव बदर यांनी ही वेब सिरीज दिग्दर्शित केली आहे. मच्छिंद्र धुमाळ हे निर्माता आहेत. यामध्ये रोहिदास मिसाळ, योगिता सूर्यवंशी-नळे, सोनाली गायकवाड, मंगेश बदर यांच्या प्रमुख भूमिका आहेत. तर रहेमान पठाण व गणेश निमगिरे हे सहकलाकार आहेत.
उत्कंठावर्धक 'क्राईम थ्रिलर'पट असलेली ही वेब सिरीज लौकरच प्रेक्षकांच्या भेटीला दाखल होत आहे. मराठीतील आघाडीचे न्यूज पोर्टल www.mbplive24.com आणि 'MBP Live24' हे यु ट्यूब चॅनल या नवीन मराठी वेबसिरीजचे मिडिया पार्टनर आहे.
या पोर्टलवर आणि MBP Live24 या 'यु ट्यूब चॅनल'वर आपल्याला या वेब सिरीजबद्दल आणखी ताजे अपडेट मिळत राहतील.
विशाल सरोदे यांनी या वेब सिरीजचे एडिटिंग केले आहे. मेक अपची जबाबदारी रोहिणी फडतरे यांनी पहिली. त्यांच्यासह रुशिकेश मिंडे, आदित्य माने, महेश नाईक, चैतन्य साळुंके, साई माने, राजु चांदगुडे, आदींनी तांत्रिक बाजू मोठ्या ताकदीने सांभाळली आहे.
ही सिरीज लवकरच आपल्या भेटीला येत आहे. या वेबसिरीजचे मोशन पोस्टर कसे वाटले, हे नक्की कळवा आणि आवडल्यास आपल्या मित्रांना पाठवा, असे आवाहन 'एम. के. स्टुडिओ'च्या वतीने करण्यात आले आहे.
