क्राईम ब्युरो - काही घटना चित्रपट निर्मितीची प्रेरणा बनतात, तर काही चित्रपट गुन्हेगारांना त्यांच्या योजना बनवण्यासाठी प्रेरित करतात. बंगळुरूमध्येही असाच काहीसा प्रकार घडला आहे. येथील आणेकल येथे राहणाऱ्या एका कुटुंबाने चित्रपटातील 'दृश्यम' सिनेमातील दृश्याने प्रेरित होऊन गुन्ह्याची योजना आखली, मात्र ते पोलिसांच्या कचाट्यातून मात्र सुटू शकले नाही.
'दृश्यम' सिनेमात चित्रपटाचा नायक आपल्या कुटुंबासह अशी योजना करतो की गुन्हा करूनही पोलिस त्याला पकडू शकत नाहीत, मात्र प्रत्यक्षात हे शक्य होत नाही. या चित्रपटात, नायक आणि कुटुंबातील प्रत्येक सदस्य हीच गोष्ट पोलिसांच्या चौकशीदरम्यान पुन्हा पुन्हा सांगतात, जेणेकरून ती खरी असल्याचे दिसून येते. असे करताना ते पोलिसांच्या तावडीतून सुटतात.
अणेकल परिसरात राहणारे एक कुटुंब आणि इतर दोन जवळच्या सहकाऱ्यांनीही असेच प्रयत्न केले होते. मात्र पोलिसांनी अखेर त्यांना पकडले. वास्तविक कुटुंबप्रमुख रवी प्रकाश (वय ५५), त्यांचा मुलगा मिथुन कुमार (वय ३०), सून संगीता आणि मुलगी आशा आणि जावई नल्लू चरण यांनी ही योजना बनवली होती.
या 'प्लॅन'मध्ये मिथुनचा ड्रायव्हर दीपक आणि मित्र आस्मा यांनी त्याला साथ दिली. या टोळीने प्लॅन बनवून घरातील सोने दलालाकडे गहाण ठेवले आणि नंतर हे सोने त्यांच्याकडून लुटल्याची बतावणी केली. सोने लुटण्याचे नाटकही करण्यात आले. या टोळीच्या प्लॅनची माहिती नसलेल्या पोलिसांनी तपास केला असता त्यांना काहीही हाती लागले नाही.
मात्र ही टोळी दरोड्याच्या नाटकाला न जुमानता निसटली. यानंतर टोळीने मोठे नियोजन केले. यामध्ये आशा यांनी १९ सप्टेंबर २़२१ रोजी सर्जापूर पोलिस ठाण्यात तक्रार दाखल केली. त्या कपडे खरेदी करण्यासाठी दुकानात गेल्या असता त्यांची बॅग चोरीला गेली. या बॅगेत ३० हजार रुपये रोख, मोबाईल फोन आणि १२५० ग्रॅम सोने होते.
त्यांनी सांगितले की एक व्यक्ती कपड्याच्या दुकानात घुसली आणि बॅग घेऊन पळून गेला. पोलिसांनी तपास सुरू केला तेव्हा कुटुंबीयांनीही अशीच माहिती दिली. मात्र पोलिसांना दीपकवर संशय आलेला होता. पोलिसांनी त्याची कसून चौकशी केली असता नंतर त्याने सर्व गुपिते उधळली. आपण दृश्यम सिनेमा पाहून अशा प्रकारे गुन्हा करण्याची प्रेरणार घेतल्याची कबुली त्याने दिली आहे.
