मुंबई - कोरोनाचा डेल्टा प्लस व्हेरिएंट सध्या 12 देशांमध्ये आहे. सध्याच्या लसी डेल्टा प्लस व्हेरिएंटवर किती प्रभावी आहेत यावर संशोधन चालू आहे. आतापर्यंत अल्फा, बीटा, गामा आणि डेल्टा या बदलांच्या आधारे या लसीची कार्यक्षमता ओळखली जात आहे. त्याचे निकाल पुढील 7 ते 10 दिवसात उपलब्ध होतील.
गर्भवती महिलांना लस दिली जाऊ शकते. गर्भवती महिलांच्या लसीसंदर्भातील प्रश्नावर डॉ. भार्गव म्हणाले की, आरोग्य मंत्रालयाने एक मार्गदर्शक सूचना दिली आहे की गर्भवती महिलांना ही लस दिली जाऊ शकते. गर्भवती महिलांमध्ये लसीकरण उपयुक्त आहे आणि ते केले जावे.
लहान मुलांच्या लसीकरणासाठी डेटाची प्रतिक्षा करावी लागणार आहे. लहान मुलांना लसी देण्याच्या प्रश्नावर डॉ. भार्गव म्हणाले की हा एक मोठा प्रश्न आहे. आमच्याकडे मुलांच्या लसीकरणाचा अधिक डेटा असल्याशिवाय आम्ही त्यांना मोठ्या प्रमाणात लसी देण्याच्या स्थितीत असणार नाही.
आम्ही 2-18 वर्ष वयोगटातील मुलांवर अभ्यास सुरू केला आहे आणि सप्टेंबर किंवा त्यानंतरच आमच्याकडे परिणाम असतील. आंतरराष्ट्रीय तज्ञसुद्धा अद्याप मुलांना लसी देण्याबाबत एकमत नाहीत. अमेरिकेतही काही गुंतागुंत पाहायला मिळाल्या आहेत.
